ﺗﺮﮎِ ﺍُﻟﻔﺖ ﮐﺎ ﺑﮩﺎﻧﮧ ﭼﺎﮨﮯ
ﻭﮦ ﻣُﺠﮭﮯ ﭼﮭﻮﮌ ﮐﮧ ﺟﺎﻧﺎ ﭼﺎﮨﮯ
ﺁﺱ ﮐﯽ ﺧﻮﺍﺏ ﺧﯿﺎﻟﯽ ﺩﯾﮑﮭﻮ
ﺁﮒ ﭘﺎﻧﯽ ﻣﯿﮟ ﻟﮕﺎﻧﺎ ﭼﺎﮨﮯ
ﮐﭽﮫ ﻧﮩﯿﮟ ﺍﻭﺭ ﺗﻐﺎﻓﻞ ﮨﯽ ﺳﮩﯽ
ﺁﺭﺯﻭ ﮐﻮﺋﯽ ﭨﮭﮑﺎﻧﮧ ﭼﺎﮨﮯ
ﻭﻗﺖ ﺩﯾﻮﺍﺭ ﺑﻨﺎ ﺑﯿﭩﮭﺎ ﮨﮯ
ﻭﮦ ﺍﮔﺮ ﻟَﻮﭦ ﺑﮭﯽ ﺁﻧﺎ ﭼﺎﮨﮯ
ﮐﻮﺋﯽ ﺁﮨﭧ ﺗﮭﯽ ﻧﮧ ﺳﺎﯾﮧ ﺗﮭﺎ
ﺩﻝ ﺗﻮ ﺭُﮐﻨﮯ ﮐﺎ ﺑﮩﺎﻧﮧ ﭼﺎﮨﮯ
ﻣﯿﮟ ﻭﮦ ﺭﺳﺘﮯ ﮐﯽ ﺳﺮﺍﺋﮯ ﮨُﻮﮞ ﺟِﺴﮯ
ﮨﺮ ﮐﻮﺋﯽ ﭼﮭﻮﮌ ﮐﮯ ﺟﺎﻧﺎ ﭼﺎﮨﮯ
ﺩﯾﮑﮭﻨﺎ ﺩﻝ ﮐﯽ ﺍﺫّﯾﺖ ﻃﻠﺒﯽ
ﭘﮭﺮ ﺍُﺳﯽ ﺷﮩﺮ ﮐﻮ ﺟﺎﻧﺎ ﭼﺎﮨﮯ
ﺍﻣﺠﺪ ﺍﺳﻼﻡ ﺍﻣﺠﺪؔ
ﺗﻤﮩﯿﮟ ﺟﺎﻧﺎ ﮨﮯ ﻧﺎ؟
ﺟﺎﺅ !!_____
ﺗﻤﮩﯿﮟ ﺍِﺱ ﺳﮯ ﻧﮩﯿﮟ ﻣﻄﻠﺐ
ﻏﻠﻂ ﻓﮩﻤﯽ ﺗﮭﯽ ﯾﺎ ﺍُﻟﻔﺖ
ﯾﮧ ﻣﯿﺮﺍ ﺩﺭﺩِ ﺳﺮ ﮨﮯ،
ﺩﺭﺩِ ﺩِﻝ ﮨﮯ ،
ﺟﻮ ﺑﮭﯽ ﮨﮯ ،
ﺟﺎﺅ !!____
ﺗﻤﮩﺎﺭﺍ ﮐﺎﻡ ﺗﮭﺎ، ﺗﻢ ﻧﮯ ﻣﺤﺒﺖ ﮐﯽ،
ﺑﮩﺖ ﺍﭼﮭﮯ
ﯾﮧ ﻣﯿﺮﺍ ﮐﺎﻡ ﮨﮯ ﻣﯿﮟ ﯾﺎﺩ ﺭﮐﮭﻮﮞ
ﯾﺎ ﺑﮭُﻼ ﮈﺍﻟﻮﮞ ...
ﻋﺠﺐ ﺑﺎﺗﯿﮟ ﮨﯿﮟ ﺩُﻧﯿﺎ ﮐﯽ،
ﻋﺠﺐ ﺭﺳﻤﯿﮟ ﮨﯿﮟ ﺍُﻟﻔﺖ ﮐﯽ
ﻣﺤﺒﺖ ﮐﺮ ﺗﻮ ﻟﯿﺘﮯ ﮨﯿﮟ،
ﻧﺒﮭﺎﻧﺎ ﺑﮭﻮﻝ ﺟﺎﺗﮯ ﮨﯿﮟ
ﮐﺴﯽ ﺩِﻥ ﭼﮭﻮﮌ ﺟﺎﺋﯿﮟ ﮔﮯ،
ﺑﺘﺎﻧﺎ ﺑﮭﻮﻝ ﺟﺎﺗﮯ ﮨﯿﮟ
ﻣﺠﮭﮯ ﺍﺏ ﮐﭽﮫ ﻧﮩﯿﮟ ﺳُﻨﻨﺎ،
ﻣﺠﮭﮯ ﮐﭽﮫ ﺑﮭﯽ ﻧﮧ ﺑﺘﻼﺅ
ﻣﺠﮭﮯ ﺗﻢ ﻣﺸﻮﺭﮮ ﻣﺖ ﺩﻭ .....
ﮐﮧ ﻣﯿﮟ ﻧﮯ ﮐﯿﺴﮯ ﺟﯿﻨﺎ ﮨﮯ
ﺍﮔﺮ ﺗﻢ ﺑﮭﻮﻟﻨﮯ ﮐﺎ ﮔُﺮ
ﻣﺠﮭﮯ ﺑﺘﻼ ﻧﮩﯿﮟ ﺳﮑﺘﮯ ،
ﺗﻮ ﭘﮭﺮ ﮐﭽﮫ ﺑﮭﯽ ﻧﮧ ﺑﺘﻼﺅ
ﭼﻠﮯ ﺟﺎﺅ
ﭼﻠﮯ ﺟﺎﺅ
ﭼﻠﮯ ﺟﺎﺅﺗﻤﮩﯿﮟ ﺟﺎﻧﺎ ﮨﮯ ﻧﺎ؟
ﺟﺎﺅ !!_____
ﺗﻤﮩﯿﮟ ﺍِﺱ ﺳﮯ ﻧﮩﯿﮟ ﻣﻄﻠﺐ
ﻏﻠﻂ ﻓﮩﻤﯽ ﺗﮭﯽ ﯾﺎ ﺍُﻟﻔﺖ
ﯾﮧ ﻣﯿﺮﺍ ﺩﺭﺩِ ﺳﺮ ﮨﮯ،
ﺩﺭﺩِ ﺩِﻝ ﮨﮯ ،
ﺟﻮ ﺑﮭﯽ ﮨﮯ ،
ﺟﺎﺅ !!____
ﺗﻤﮩﺎﺭﺍ ﮐﺎﻡ ﺗﮭﺎ، ﺗﻢ ﻧﮯ ﻣﺤﺒﺖ ﮐﯽ،
ﺑﮩﺖ ﺍﭼﮭﮯ
ﯾﮧ ﻣﯿﺮﺍ ﮐﺎﻡ ﮨﮯ ﻣﯿﮟ ﯾﺎﺩ ﺭﮐﮭﻮﮞ
ﯾﺎ ﺑﮭُﻼ ﮈﺍﻟﻮﮞ ...
ﻣﻮﺳﻢ ﮨﮯ، ﻧﮑﻠﮯ ﺷﺎﺧﻮﮞ ﺳﮯ ﭘﺘّﮯ ﮨﺮﮮ ﮨﺮﮮ
ﭘﻮﺩﮮ ﭼﻤﻦ ﻣﯿﮟ ﭘﮭﻮﻟﻮﮞ ﺳﮯ ﺩﯾﮑﮭﮯ ﺑﮭﺮﮮ ﺑﮭﺮﮮ
ﺁﮔﮯ ﮐﺴﻮ ﮐﮯ ﮐﯿﺎ ﮐﺮﯾﮟ ﺩﺳﺖِ ﻃﻤﻊ ﺩﺭﺍﺯ
ﻭﮦ ﮨﺎﺗﮫ ﺳﻮ ﮔﯿﺎ ﮨﮯ ﺳﺮﮨﺎﻧﮯ ﺩﮬﺮﮮ ﺩﮬﺮﮮ
ﮐﯿﺎ ﺳﻤﺠﮭﮯ، ﺍُﺱ ﮐﮯ ﺭتبہِ ﻋﺎﻟﯽ ﮐﻮ ﺍﮨﻞِ ﺧﺎﮎ
ﭘﮭﺮﺗﮯ ﮨﯿﮟ ﺟﻮﮞ ﺳﭙﮩﺮ ﺑﮩﺖ ﮨﻢ ﻭﺭﮮ ﻭﺭﮮ
ﻣﺮﺗﺎ ﺗﮭﺎ ﻣﯿﮟ ﺗﻮ، ﺑﺎﺯ ﺭﮐﮭﺎ ﻣﺮﻧﮯ ﺳﮯ ﻣﺠﮭﮯ
ﯾﮧ ﮐﮩﮧ ﮐﮯ، ﮐﻮﺋﯽ ﺍﯾﺴﺎ ﮐﺮﮮ ﮨﮯ ﺍﺭﮮ ﺍﺭﮮ
ﮔﻠﺸﻦ ﻣﯿﮟ ﺁﮒ ﻟﮓ ﺭﮨﯽ ﺗﮭﯽ ﺭﻧﮓ ﮔُﻞ ﺳﮯ ﻣﯿﺮٓ
ﺑﻠﺒﻞ ﭘﮑﺎﺭﯼ ﺩﯾﮑﮫ ﮐﮯ، ﺻﺎﺣﺐ ﭘﺮﮮ ﭘﺮﮮ
ﻣﯿﺮ ﺗﻘﯽ ﻣﯿﺮؔ
کس پہ الزام محبت کا لگایا جائے
خود ہوں ماخوذ اگر ان کو بچایا جائے
کون کہرام میں سنتا ہے شکست دل
نقش آواز کا ماتھے پہ سجایا جائے
برف کی سل بھی تو حدت سے پگھل جاتی ہے
کیوں نہ اس شخص کو سینے سے لگایا جائے
تجھ سے بچھڑے ہیں تو قیامت نہیں ٹوٹی ہے
اک ذرا بات پہ کیوں حشر اٹھایا جائےذ
۔ن۔م۔راشد ۔۔۔!!!
تم سے بہتر کون ہے ساتھی تمہارا دوسرا
ڈُھونڈتے ہو کِس لیے کوئی سہارا دوسرا
تب کہیں سمجھا ہوں میں اُس کا اشارہ دوسرا
اُس نے میرے ہاتھ پر جب ہاتھ مارا دوسرا
اِتنی دُنیا، اِتنے چہرے، اِتنی آنکھیں چار سُو
اُس نے پھر بھی کر دیا مجھ کو اِشارہ دوسرا
آسماں پر کوئی تھوڑے سے سِتارے تو نہیں
ایک چمکے کم اگر، چُن لو سِتارہ دوسرا
مجھ کو تو پہلا کِنارہ بھی نظر آتا نہیں
ہے کہاں بحرِ فلک تیرا کِنارہ دوسرا
درمیاں پردہ رہا اِک دِن تکلف کا بہت
بھید سارا کُھل گیا جب دِن گزارا دوسرا
تب کہیں مہندی لگا وہ ہاتھ پہچانا گیا
اُس نے دَر کی اوٹ سے جب پُھول مارا دوسرا
جان دے دی اُس کے پہلے ہی اِشارے پر عدیم
میں نے دیکھا ہی نہیں اُس کا اِشارہ دوسرا
