پنجابی شاعری

‏سانوں زرا نہ آندی سمجھ ملاں
گل علم تے  ___وعظ کلام والی
رکھ ٹھپ کتاب___ شتاب ساقی
کر صفت کوئی یار دے نام والی

میاں محمد بخش

جتن جتن ہر کوئی کھیڈے، ہارن کھیڈ فقیرا

جتن دا مُل کوڈی پیندا، ہارن دا مُل ہیرا

پنجابی شاعری

لطف سجن دم بدم، کارِ سجن گاہ گاہ
اِنج وی سجن واہ واہ، اُنج وی سجن واہ واہ

وارث شاہ

اک رات دا جاگنا بہت اوکھا
اک جاگدا دکھی بیمار راتیں

یا راتیں چور تے ٹھگ جاگن
یا جاگدا پہرے دار راتیں

یا جاگدا عشق دی رمز والا
یا جاگدا یار دا یار راتیں

وارث میاں سب سو جاندے
یا جاگدا پروردگار راتیں

پنجابی شاعری

‏پہلے عِشقا عِشقا کردا سی، ہُن کِن مِن کِن مِن روندا اے
کوئی وکھرا عاشق نئیں جمدا اِنج کرئیے تے اِنج ہوندا اے