سرائیکی

ایویں قسماں نہ کھا ماہیا،
گھڑی وچ بَدل ویندیں،
کوئی کرے کیا وسا ماہیا،

سید شمس الدین گیلانی

شاکر شجاع آبادی

جے تنگ ہوویں ساڈی ذات کولوں
تے صاف دسیں تیڈی جان چھٹے

رب توں منگی ضائع نئی تھیندی
منگ ڈیکھ دعا تیڈی جان چھٹے

تیکو پیار کیتا تیڈا مجرم ہاں
ڈے سخت سزا تیڈی جان چھٹے

ایویں مار نہ شاکِر قسطاں وچ
یک مُشت مُکا تیڈی جان چھٹے

شاکر شجاع آبادی

اساں شاکر __ لوگ آوارہ جئے
ساکوں پیار نہ کر برباد ہو سی

شاکر شجاع آبادی

مڑھ مونجھ کوں شاکر گل پاتم
تیڈی مونجھ تعویز دا کم کیتے

شاکر شجاع آبادی

مجبور جوانی میڈی اے تو حسن دا شاہ تیکوں کیا پروا

توخوش وسدیں وچ غیراں دے میڈی جھوک تباہ تیکوں کیا پروا

تیڈے رستے وچ  پئے پھل کردن میڈے اوکھے راہ تیکوں کیا پروا

بھانویں شاکر تیڈی مونجھ کنوں میڈے نکلن ساہ تیکوں کیا پروا

شاکر شجاع آبادی

ﻣﯿﮉﯼ ﻋﺮﺽ ﺳﻤﺠﮫ ﯾﺎ مرﺽ سمجھ
ﯾﺎ ﺳﻤﺠﮫ ﺗﺎﮐﯿﺪ ﺗﮯ ول آ

ﺗﯿﮉﮮ ڈﯾﮑﮭﻨﮍ ﺩﯼ ﺍﻧﮩﺎﮞ اکھیاں کوں
ﮨﮯ ﺗﺎﻧﮓ ﺷﺪﯾﺪ ﺗﮯ ﻭﻝ ﺁ

ﮨﻨﮍ ﺩﻝ ﮐﻤﻼ ﻧﺊ ﺳﮩﮧ ﺳﮕﺪﺍ
کوئی ﺩﺭﺩ ﻣﺰﯾﺪ ﺗﮯ ﻭﻝ آ

نئیں ﭘﭽﮭﻠﯽ ﻋﯿﺪ ﻣﻨﺎئی ﺷﺎﮐﺮ
میڈﺍ ﭼﻦ ﺍﺱ ﻋﯿﺪ ﺗﮯ ﻭﻝ ﺁ

سرائیکی شاعری

کوئ ملتان دی بس آندی... 
سامنڑیں مل ڈھولا    نیں فون تے چس آندی...

شاکر شجاع آبادی

اساں ماڑھے ھیں چلوماڑھے سہی.ساڈے شکوے کر تیڈا حق بنڑدے.
ساکوں ڈکھ دی پھانسی لا ڈھولاساڈے ڈکھ نہ بھر تیڈاحق بنڑدے.
اساں موتی تاں انمول ھاسےساکوں آکھ پتھر تیڈا حق بنڑدے..
تیکوں مفت جو "شاکر" لبھ گۓ ھیں ساڈی قدرنہ کرتیڈاحق بنڑدے..!

سرائیکی شاعری

ﮐﺎﺋﻨﺎﺕ ﺍﭺ ﮐﻮﺉ ﻧﺌﯿﮟ ﻣﻞ ﮐﻮﺉ
ﻧﺌﯿﮟ ﻣﯿﺮﮮ ﮈﮬﻮﻝ ﺩﯼ ﺍﮐﮫ ﺳﺮﻣﺊ ﺩﺍ
ﺩﺳﮯ ﻧﻘﺸﮧ ﭼﺸﻢ ﺩﮮ ﮈﻭﺭﯾﺎﮞ
ﭼﻮﮞ ﮐﺴﮯ ﺩﻧﯿﺎ ﻭﺳﺪﯼ ﭘﺊ ﺩﺍ
ﺟﺪﺍﮞ ﻭﯾﮑﮫ ﻧﻮﯾﺪ ﺗﺨﯿﻞ ﻭﭺ
ﺍﻭﮨﺪﮮ ﻣﮑﮫ ﻣﮩﺘﺎﺏ ﻧﻮﮞ لئی ﺩﺍ
ﻧﺸﮧ ﭘﻮﺭﺍ ﻭﮨﻨﺪﯾﺎﮞ ﮨﻮ ﻭﯾﻨﺪﺍﺍﮮ
ﺩﻝ ﺣﺴﻦ ﭘﺮﺳﺖ ﻧﺸﺊ ﺩﺍ

سرائیکی شاعری

لکھ کوشش کر میکوں  بھلنڑ دی پر شام سحر تیکوں  یاد آساں.

جڈاں تھک  کے ڈھول سرانڑے تے توں  رکھسیں سر تیکوں یاد آساں.

اج  رش  ہے  نویاں یاریاں  دا  ذرا حوصلہ  کر تیکوں یاد  آساں.

هالے  قدر  غریب دی  نی  تیکوں جڈاں ویساں مرتیکوں یادآساں..‏

تیڈے شاکر سر دی چھاں ہاں میں

جداں ڈھل ویساں تیکوں یاد آساں

شاکر شجاع آبادی

جڈاں شاکر مک کائنات ونجے

وت سامنے ویکھیں میں ہوساں

سرائیکی شاعری

تیکُوں گُول کے اِتنی چس نئی آئی  

تَیکوں گَال کے جتنی چس آئی ھے

سرائیکی عید شاعری

ڈسو عید تے تُحفہ کیا گِھنسو؟
چھلا مُندری یا میں ھار ڈیواں؟
یا جگر چوں کڈھ کے رَت ڈیواں؟
یا جَھنگ دی وَنگ سرکار ڈیواں؟
دل پہلے ای تیڈے کول ھے سئیں!!
ڈَسو ھور میں کتنا پیار ڈیواں؟
ھِک جِندڑی باقی کول ھے پئی!!
کرو حُکم تاں اوہ وی وار ڈیواں؟؟

سرائیکی

تیڈی عید دا جوڑا میں گھنساں
پر شرط ھے چاون آپ آویں

سرائیکی

تیکوں شوق اے ساکوں چھوڑن دا
اچھا عید نبھا وت چھوڑ ونجیں