بلا عنوان

ﺗﯿﺮﮮ ﺻﺪﻗﮯ ﻭﮦ ﺍُﺳﯽ ﺭﻧﮓ ﻣﯿﮟ ﺧُﻮﺩ ﮨﯽ ﮈُﻭﺑﺎ
ﺟﺲ ﻧﮯ ﺟﺲ ﺭﻧﮓ ﻣﯿﮟ ﭼﺎﮨﺎ ﻣُﺠﮭﮯ ﺭُﺳﻮﺍ ﮐﺮﻧﺎ
_____________

عبد الحمید عدم

تجھ سے کیا چیز قیمتی ھو گی​؟؟
تُو تو پیارے !! میرا حبیب ھُوا​
دو ھی با ذوق آدمی ھیں ، عدم​
میں ھُوا , یا میرا رقیب ھُوا​

”عبدالحمّید عدم“

محبوب عظیمی

یہ مکافاتِ عمل ھے ، ابھی کچھ عرصے میں
تجھے بھی ھو گی محبت ، کسی بد ذات کے ساتھ

”محبوب عظیمی“

شہزاد نیر

" شکست کس کی "
عجیب منظر ہے !
دشت ِ کرب و بلا میں
خیموں کی ایک بستی نے
کاخ ِ شاھی گرا دیا ہے
زمانہ دیکھے
کہ بے ردائی نے سچ کے نیزے سے
جھوٹ کا پردہ نوچ ڈالا ہے
پیاس کے بے کراں سمندر سے
صبر کی ایک موج آکر
فرات سارا نگل گئی ہے
یہ کیسا منظر ھے !
مشک بردار بازوؤں سے
کسی نے تلوار کاٹ دی ھے
گلوئے اصغر نے نوک ِناوک کو مات دی ھے
عجیب منظر ھے !
ایک شہہ رگ نے
دھار خنجر کی کند کر دی ھے
ایک سر وہ جو اپنے تن سے جدا ھوا ھے
مرا نہیں ھے
مقابلے میں وہ کتنے سر تھے
جو زندہ بچنے پہ ناز کرتے تھے
اب شہیدوں کی زندگی سے
شکست کھا کر مرے پڑے ھیں
شہزاد نیر

خیالِ ترکِ محبت بجا سہی لیکن
ہوئی نہ یوں بھی ہماری گزر تو کیا ہو گا

قمر نقوی

پھر سے ترے نقوش نظر پہ عیاں ہوئے
لو پھر وصال یار کے لمحے جواں ہوئے

اک بات بڑھ کے باعث ناراضگی ہوئی
کچھ لفظ منہ سے نکلے تو آہ و فغاں ہوئے

تیرے سبھی دروغ وجاہت میں چھپ گئے
اور میری صاف بات پہ کتنے گماں ہوئے

کیوں کر کریں گے یاد وہ درد فراق میں
ہم اس قدر قریب بھی ان کے کہاں ہوئے

مہلت ہی کب ملی کہ سنبھل پاتے ہم قمرؔ
ہم پر تو جتنے ظلم ہوئے ناگہاں ہوئے

قمر نقوی۔۔۔!!!

میر تقی میر

یوں پکاریں ہیں مجھے کوچہ جاناں والے ۔۔۔۔۔۔۔۔ ادھر آ بے! ابے ہو چاک گریباں والے 
( میر تقی میر )

احمد ندیم قاسمی

تجھے اظہار محبت سے اگر نفرت ہے !
تُو نے ہونٹوں کو لرزے سے تو روکا ہوتا

بے نیازی سے ، مگر کانپتی آواز کے ساتھ
تُو نے گھبرا کے مِرا نام نہ پوچھا ہوتا

تیرے بَس میں تھی اگر مشعل ِ جذبات کی لَو
تیرے رُخسار میں گلزار نہ بھڑکا ہوتا

یوں تو مجھ سے ہوئیں صرف آب و ہوا کی باتیں
اپنے ٹوٹے ہوئے فقروں کو تو پَرکھا ہوتا

یُونہی بے وجہ ٹھٹکنے کی ضرورت کیا تھی
دَم ِ رخصت میں اگر یاد نہ آیا ہوتا

تیرا غماز بنا خود ترا انداز ِ خرام
دل نہ سنبھلا تھا تو قدموں کو سنبھالا ہوتا

اپنے بدلے مِری نظر آجاتی
تُو نے اُس وقت اگر آئینہ دیکھا ہوتا

حوصلہ تجھ کو نہ تھا مجھ سے جُدا ہونے کا
ورنہ کاجل تری آنکھوں میں نہ پھیلا ہوتا

انور مسعود

کیوں کسی اور کو دکھ درد سناؤں اپنے
اپنی آنکھوں سے بھی میں زخم چھپاؤں اپنے
میں تو قائم ہوں تیرے غم کی بدولت ورنہ
یوں بکھر جاؤں کہ خود ہاتھ نہ آؤں اپنے
شعر لوگوں کے بہت یاد ہیں اوروں کے لئے
توملے تو میں تجھے شعر سناؤں اپنے
تیرے رستے کا، جو کانٹا بھی میسر آئے
میں اسے شوق سے کالر پر سجاؤں اپنے
سوچتا ہوں کہ بجھا دوں میں یہ کمرے کا دیا
اپنے سائے کو بھی کیوں ساتھ جگاؤں اپنے
اس کی تلوار نے وہ چال چلی ہے اب کہ
پاؤں کٹتے ہیں اگر ہاتھ بچاؤں اپنے
آخری بات مجھے یاد ہے اس کی انور
روگ اُس کا نہ میں دل سے لگاؤں اپنے

انور مسعود

اقبال عظیم

مجھے اپنے ضبط پہ ناز تھا سر بزم رات یہ کیا ہوا
مری آنکھ کیسے چھلک گئی مجھے رنج ہے یہ برا ہوا
مری زندگی کے چراغ کا یہ مزاج کوئی نیا نہیں
ابھی روشنی ابھی تیرگی نہ جلا ہوا نہ بجھا ہوا
مجھے جو بھی دشمن جاں ملا وہی پختہ کار جفا ملا
نہ کسی کی ضرب غلط پڑی نہ کسی کا تیر خطا ہوا
مجھے آپ کیوں نہ سمجھ سکے یہ خود اپنے دل ہی سے پوچھیے
مری داستان حیات کا تو ورق ورق ہے کھلا ہوا
جو نظر بچا کے گزر گئے مرے سامنے سے ابھی ابھی
یہ مرے ہی شہر کے لوگ تھے مرے گھر سے گھر ہے ملا ہوا
ہمیں اس کا کوئی بھی حق نہیں کہ شریک بزم خلوص ہوں
نہ ہمارے پاس نقاب ہے نہ کچھ آستیں میں چھپا ہوا
مجھے اک گلی میں پڑا ہوا کسی بد نصیب کا خط ملا
کہیں خون دل سے لکھا ہوا کہیں آنسوؤں سے مٹا ہوا
مجھے ہم سفر بھی ملا کوئی تو شکستہ حال مری طرح
کئی منزلوں کا تھکا ہوا کہیں راستوں میں لٹا ہوا
ہمیں اپنے گھر سے چلے ہوئے سر راہ عمر گزر گئی
کوئی جستجو کا صلہ ملا نہ سفر کا حق ہی ادا ہوا

اظہرعنایتی

ابھی بچھڑا ہے وہ کچھ روز تو یاد آئے گا
نقش روشن ہے مگر نقش ہے، دھندلائے گا

گھر سے کس طرح میں نکلوں کہ یہ مدھم سا چراغ
میں نہیں ہوں گا تو تنہائی میں بجھ جائے گا

اب مرے بعد کوئی سر بھی نہیں ہوگا طلوع
اب  کسی سمت سے  پتھر بھی نہیں آئے گا

میری قسمت تو یہی ہے کہ بھٹکنا ہے مجھے
راستے!! تو  مرے  ہمراہ  کدھر  جائے  گا

اپنے ذہنوں میں رچا لیجیے اس دور کا رنگ
کوئی  تصویر  بنے  گی  تو  یہ  کام  آئے  گا

ا تنے دن ہو گئے بچھڑے ہوئے اس سے اظہر
مل  بھی جائے گا  تو  پہچان  نہیں  پائے گا

اظہرعنایتی

محسن نقوی

میں نے دیکھا تھا اُن دنوں میں اُسے
جب وہ کھلتے گُلاب جیسا تھا
اُس کی پلکوں سے نیند چھنتی تھی
اُس کا لہجہ شراب جیسا تھا
اُس کی زلفوں سے بھیگتی تھی گھٹا
اُس کا رخ ماہتاب جیسا تھا
لوگ پڑھتے تھے خدوخال اس کے
وہ ادب کی کتاب جیسا تھا
بولتا تھا زباں خوشبو کی
لوگ سُنتے تھے دھڑکنوں میں اُسے
میں نے دیکھا تھا اُن دنوں میں اُسے
ساری آنکھیں تھیں آئینے اُس کے
سارے چہروں میں انتخاب تھا وہ
سب سے گھل مل کے اجنبی رہنا
ایک دریا نما سراب تھا وہ
خواب یہ ہے ، وہ حقیقت تھا
یہ حقیقت ہے ، کوئی خواب تھا وہ
دِل کی دھرتی پہ آسماں کی طرح
صورتِ سایہ و سحاب تھا وہ
اپنی نیندیں اُس کی نذر ہوئیں
میں نے پایا تھا رتجگوں میں اُسے
میں نے دیکھا تھا اُن دنوں میں اُسے
جب وہ ہنس ہنس کے بات کرتا تھا
دِل کے خیمے میں رات کرتا تھا
رنگ پڑتے تھے آنچلوں میں اُسے
میں نے دیکھا تھا اُن دنوں میں اُسے
یہ مگر دیر کی کہانی ہے
یہ مگر دُور کا فسانہ ہے
اُس کے ، میرے ملاپ میں حائل
اب تو صدیوں بھرا زمانہ ہے
اب تو یوں ہے کہ حال اپنا بھی
دشتِ ہجراں کی شام جیسا ہے
کیا خب  ر ، اِن دنوں وہ کیسا ہے
میں نے دیکھا تھا اُن دنوں میں اُسے
جب وہ کھلتے گُلاب جیسا تھا۔ ۔ ۔*!!!
  
    محسن نقوی 

خمارؔ بارہ بنکوی

ہم انہیں وہ ہمیں بھلا بیٹھے
دو گنہ گار زہر کھا بیٹھے

حال غم کہہ کے غم بڑھا بیٹھے
تیر مارے تھے تیر کھا بیٹھے

آندھیو جاؤ اب کرو آرام
ہم خود اپنا دیا بجھا بیٹھے

جی تو ہلکا ہوا مگر یارو
رو کے ہم لطف غم گنوا بیٹھے

بے سہاروں کا حوصلہ ہی کیا
گھر میں گھبرائے در پہ آ بیٹھے

جب سے بچھڑے وہ مسکرائے نہ ہم
سب نے چھیڑا تو لب ہلا بیٹھے

ہم رہے مبتلائے دیر و حرم
وہ دبے پاؤں دل میں آ بیٹھے

اٹھ کے اک بے وفا نے دے دی جان
رہ گئے سارے با وفا بیٹھے

حشر کا دن ابھی ہے دور خمارؔ
آپ کیوں زاہدوں میں جا بیٹھے

ﻧوحﻧﺎﺭﻭﯼ

ﺭﻭﺯ ﮐﺎ ﻏﻢ ﺗﻮ ﮐﮩﯿﮟ ﺍﮮ ﺩﻝِ ﺷﯿﺪﺍ ﺟﺎئے
ﻭﮦ ﻧﮧ ﺁﺋﯿﮟ ﻧﮧ ﺳﮩﯽ ﻣﻮﺕ ﻣِﺮﯼ ﺁ ﺟﺎئے

ﻟﻄﻒ ﺗﻮ ﺟﺐ ﮨﮯ ﺗﻤﻨﺎ ﮐﻮ ﺑﮭﯽ ﻟﯿﺘﺎ ﺟﺎئے
ﺁﭖ ﮐﺎ ﺗﯿﺮ ﻣِﺮﮮ ﺩﻝ ﺳﮯ ﻧﮧ ﺗﻨﮩﺎ ﺟﺎئے

ﺷﮑﻮۂ ﻇﻠﻢ ﻭ ﺳﺘﻢ ﺷﻮﻕ ﺳﮯ ﻋﺸﺎﻕ ﮐﺮﯾﮟ
ﻣﮕﺮ ﺍﺗﻨﺎ ﮐﮧ ﻭﮦ ﺑﮯ ﺩﺭﺩ ﻧﮧ ﮔﮭﺒﺮﺍ ﺟﺎئے

ﺁﭖ ﺑﮭﺮ ﭘﺎئے ﮔﺎ ﮐﺲ ﻭﺍﺳﻄﮯ ﺭﻭﮐﮯ ﮐﻮئی
ﮐﻮچہِ ﯾﺎﺭ ﻣﯿﮟ جائے، ﺩﻝِ ﺷﯿﺪﺍ ﺟﺎئے

ﺗﻢ ﺟﻮ ﮐﮩﮧ ﺩﻭ ﺗﻮ ﺍﺑﮭﯽ ﮨﻨﺴﻨﮯ ﻟﮕﯿﮟ ﻏﻨﭽﮧ ﻭ ﮔﻞ
ﺗﻢ ﺟﻮ ﮨﻨﺲ ﺩﻭ ﺗﻮ ﺧﺰﺍﮞ ﺟﺎئے، ﺑﮩﺎﺭ ﺁ ﺟﺎئے

ﮐﭽﮫ ﺗﺠﮭﮯ ﺑﮭﯽ ﺗﻮ ﮨﻮ ﻣﻌﻠﻮﻡ ﮐﮧ ﺍﻟﻔﺖ ﮐﯿﺎ ﮨﮯ
ﻟﻄﻒ ﺁ ﺟﺎئے، ﺗِﺮﺍ ﺩﻝ ﺟﻮ ﮐﮩﯿﮟ ﺁ ﺟﺎئے

ﮐﯿﺎ ﺍﺳﯽ ﭘﺮﺩۂ ﻏﻔﻠﺖ ﻣﯿﮟ ﮨﮯ ﺗﮑﻤﯿﻞِ ﺣﯿﺎﺕ
ﺳﺎﻧﺲ ﻟﯿﺘﺎ ﺭﮨﻮﮞ ﻣﯿﮟ ﻭﻗﺖ ﮔﺰﺭﺗﺎ ﺟﺎئے

ﻧﻮﺡؔ ﻃﻮﻓﺎﻥِ ﻣﺤﺒﺖ ﺳﮯ ﯾﮧ ﮐﭽﮫ ﺩﻭﺭ ﻧﮩﯿﮟ
ﺑﮩﺘﮯ ﺑﮩﺘﮯ ﮐﻮئی ﻧﺰﺩﯾﮏ ﺗِﺮﮮ ﺁ ﺟﺎئے

ﻧوحﻧﺎﺭﻭی

دشتِ غمِ حیات مرا حوصلہ تودیکھ

میں ڈھونڈنے چلا ہوں ترا دوسرا ِسرا

احمد فراز

ﺧﺎﻣﻮﺵ ﮨﻮ ﮐﯿﻮﮞ ﺩﺍﺩِ ﺟﻔﺎ ﮐﯿﻮﮞ ﻧﮩﯿﮟ ﺩﯾﺘﮯ
ﺑﺴﻤﻞ ﮨﻮ ﺗﻮ ﻗﺎﺗﻞ ﮐﻮ ﺩﻋﺎ ﮐﯿﻮﮞ ﻧﮩﯿﮟ ﺩﯾﺘﮯ

ﻭﺣﺸﺖ ﮐﺎ ﺳﺒﺐ ﺭﻭﺯﻥِ ﺯﻧﺪﺍﮞ ﺗﻮ ﻧﮩﯿﮟ ﮨﮯ
ﻣﮩﺮ ﻭ ﻣﮧ ﻭ ﺍﻧﺠﻢ ﮐﻮ ﺑﺠﮭﺎ ﮐﯿﻮﮞ ﻧﮩﯿﮟ ﺩﯾﺘﮯ

ﺍﮎ ﯾﮧ ﺑﮭﯽ ﺗﻮ ﺍﻧﺪﺍﺯِ ﻋﻼﺝِ ﻏﻢِ ﺟﺎﮞ ﮨﮯ
ﺍﮮ ﭼﺎﺭﮦ ﮔﺮﻭ، ﺩﺭﺩ ﺑﮍﮬﺎ ﮐﯿﻮﮞ ﻧﮩﯿﮟ ﺩﯾﺘﮯ

ﻣﻨﺼﻒ ﮨﻮ ﺍﮔﺮ ﺗﻢ ﺗﻮ ﮐﺐ ﺍﻧﺼﺎﻑ ﮐﺮﻭ ﮔﮯ
ﻣﺠﺮﻡ ﮨﯿﮟ ﺍﮔﺮ ﮨﻢ ﺗﻮ ﺳﺰﺍ ﮐﯿﻮﮞ ﻧﮩﯿﮟ ﺩﯾﺘﮯ

ﺭﮨﺰﻥ ﮨﻮ ﺗﻮ ﺣﺎﺿﺮ ﮨﮯ ﻣﺘﺎﻉِ ﺩﻝ ﻭ ﺟﺎﮞ ﺑﮭﯽ
ﺭﮨﺒﺮ ﮨﻮ ﺗﻮ ﻣﻨﺰﻝ ﮐﺎ ﭘﺘﺎ ﮐﯿﻮﮞ ﻧﮩﯿﮟ ﺩﯾﺘﮯ

ﮐﯿﺎ ﺑﯿﺖ ﮔﺌﯽ ﺍﺏ ﮐﮯ ﻓﺮﺍﺯؔ ﺍﮨﻞِ ﭼﻤﻦ ﭘﺮ
ﯾﺎﺭﺍﻥِ ﻗﻔﺲ ﻣﺠﮫ ﮐﻮ ﺻﺪﺍ ﮐﯿﻮﮞ ﻧﮩﯿﮟ ﺩﯾﺘﮯ

احمد فراز

پروین شاکر

اب اتنی سادگی لائیں کہاں سے
زمیں کی خیر مانگیں آسماں سے
اگر چاہیں تو وہ دیوار کردیں
ہمیں اب کچھ نہیں کہنا زباں سے
ستارہ ہی نہیں جب ساتھ دیتا
تو کشتی کام لے کیا بادباں سے
بھٹکنے سے ملے فرصت تو پوچھیں
پتا منزل کا میر کارواں سے
توجہ برق کی حاصل رہی ہے
سو ہے آزاد فکر آشیاں سے
ہوا کو راز داں ہم نے بنایا
اور اب ناراض خوشبو کے بیاں سے
ضروری ہو گئی ہے دل کی زینت
مکیں پہچانے جاتے ہیں مکاں سے
فنا فی العشق ہونا چاہتے تھے
مگر فرصت نہ تھی کارِ جہاں سے
وگرنہ فصل گل کی قدر کیا تھی
بڑی حکمت ہے وابستہ خزاں سے
کسی نے بات کی تھی ہنس کے شاید
زمانے بھر سے ہیں ہم خود گماں سے
میں اک اک تیر پہ خود ڈھال بنتی
اگر ہوتا وہ دشمن کی کماں سے
جو سبزہ دیکھ کر خیمے لگائیں
انہیں تکلیف کیوں پہنچے خزاں سے
جو اپنے پیڑ جلتے چھوڑ جائیں
انہیں کیا حق کہ روٹھیں باغباں سے

فریب

مجھے رکھ گرفت فریب میں
تیرا جھوٹ بھی مجھے راس ہے

اِقتدار قدر

کیا ضروری ہے کہ ہنگا مہءِ محشر بھی بَنوُں
وَجہِ تخلیقِ جَہاں ہوں یہ سزا کافی ہے

محبت

درد دوزخ بھی،لطف جنت بھی
ہائے کیا چیز ہے محبت بھی

عبد الحمید عدم

ہم نے حسرتوں کے داغ آنسوؤں سے دھو لیے
آپ کی خوشی حضور بولئے نہ بولئے
کیا حسین خار تھے جو مری نگاہ نے
سادگی سے بارہا روح میں چبھو لیے
موسم بہار ہے عنبریں خمار ہے
کس کا انتظار ہے گیسوؤں کو کھولیے
زندگی کا راستہ کاٹنا تو تھا عدمؔ
جاگ اٹھ تو چل دیئے تھک گئے تو سو لیے

حوصلہ

روند     پائے    نہ     دلائل     میرے
میرے دشمن بھی  تھے  قائل  میرے

صاف  دکھتی تھی جلن آنکھوں میں
پھر  بھی  ہونٹوں  پہ  فضائل  میرے

یہ  تہی  فکر، کنوئیں  کے  مینڈک
یہ  نہ سمجھیں گے  مسائل میرے

چھاؤں دیتے تھے ... مگر  راہ  نہیں
پیڑ  تھے  رستے  میں  حائل میرے

آنکھ... اب  خواب  نہیں  دے  سکتی
روشنی   مانگ    لے   سائل   میرے!

جب  تلک  ہاتھ  ترے  ہاتھ  میں  ہے
حوصلے   ہوں  گے  نہ   زائل   میرے

احمد مشتاق

ہزار شکر کہ ہم مصلحت شناس نہ تھے

کہ ہم نے جس سے کیا عشق، والہانہ کیا

جگر مرادآبادی

اب تو یہ بھی نہیں رہا احساس

درد ہوتا ہے یا نہیں ہوتا

عشق جب تک نہ کر چُکے رسوا

آدمی کام کا نہیں ہوتا

ٹوٹ پڑتا ہے دفعتاً جو عشق

بیشتر دیر پا نہیں ہوتا

وہ بھی ہوتا ہے ایک وقت کہ جب

ماسوا ماسوا نہیں ہوتا

ہائے کیا ہو گیا طبیعت کو

غم بھی راحت فزا نہیں ہوتا

دل ہمارا ہے یا تمھارا ہے

ہم سے یہ فیصلہ نہیں ہوتا

جس پہ تیری نظر نہیں ہوتی

اُس کی جانب خدا نہیں ہوتا

میں کے بے زار عمر بھر کے لئے

دل کہ دم بھر جدا نہیں ہوتا

وہ ہمارے قریب ہوتے ہیں

جب ہمارا پتہ نہیں ہوتا

دل کو کیا کیا سکون ہوتا ہے

جب کوئی آسرا نہیں ہوتا

ہو کے اِک بار سامنا اُن سے

پھر کبھی سامنا نہیں ہوتا

فیض احمد فیض

تجھ کو دیکھا ، تو سیر چشم ھُوئے

تجھ کو چاھا ، تو اور چاہ نہ کی

تیرے دست ستم کا عجز نہیں

دل ہی کافر تھا جس نےآہ نہ کی

”فیض احمد فیضؔ“

منیر نیازی

غم گساری کی طلب تھی یہ محبت تونہ تھی

دردجب دل میں اٹھاتھا تو چھپاتے اس کو

فائدہ کیاہے اگر اب وہ ملے بھی تو منیر

عمر توبیت گئی راہ پہ لاتے اسُ کو

نصیرالدین نصیر

میری زندگی تو فراق ہے، وہ ازل سے دل میں مکیں سہی

وہ نگاہِ شوق سے دور ہیں، رگِ جاں سے لاکھ قریں سہی

ہمیں جان دینی ہے ایک دن، وہ کسی طرح ، وہ کہیں سہی

ہمیں آپ کھینچئے دار پر، جو نہیں کوئی تو ہمیں سہی

سرِ طور ہو، سرِ حشر ہو، ہمیں انتظار قبول ہے

وہ کبھی ملیں، وہ کہیں ملیں، وہ کبھی سہی، وہ کہیں سہی

نہ ہو اُن پہ جو مرا بس نہیں، کہ یہ عاشقی ہے ہوس نہیں

میں اُن ہی کا تھا، میں اُن ہی کا ہوں، وہ مرے نہیں، تو نہیں سہی

جوہو وہ فیصلہ وہ سُنائیے، اسے حشر پر نہ اُٹھائیے

جو کریں گے آپ ستم وہاں، وہ ابھی سہی، وہ یہیں سہی

اسے دیکھنے کی جو لو لگی، تو نصیر دیکھ ہی لیں گے ہم

وہ ہزار آنکھ سے دور ہو، وہ ہزار پردہ نشیں سہی

منافقت

کوئی بھی پہل نہ کرنے کی ٹھان بیٹھا تھا

اناپرست تھے دونوں مفاہمت نہ ہوئی

وہ شخص اچھا لگا ہم کو ، صاف کہہ ڈالا

یہ دل کی بات تھی ہم سے منافقت نہ ہوئی

علاج بالمثل

نشتر زخم لگاتا ہے تو نشتر سے کھلواتا ہوں

سلواتا ہوں

پھنیر نیل اتارتا ہے تو منکے میں رسواتا ہوں

کھنچواتا ہوں

پانی  گرمی گھولتا ہے

تو پانی کا ٹھنڈا پیالہ منگواتا ہوں

جب شب زندہ داری میں مے چڑھتی ہے

تو صبح صبوحی کی سیڑھی لگواتا ہوں

عورت چرکا دیتی ہے تو عورت کو بلواتا ہوں

دکھلاتا ہوں

اک عادت کے گھاؤ پہ دوسری عادت باندھا کرتا ہوں

میں عورت کے زخم کے اوپر عورت باندھا کرتا ہوں

وحید احمد

جو بھی ہو گا، فیصلہ ہو گا

ہمیں‌ معلوم ہے، ہم سے سنو محشر میں ‌کیا ہو گا
سب اس کو دیکھتے ہوں‌گے، وہ ہم کو دیکھتا ہو گا

سرِ محشر ہم ایسے عاصیوں کا اور کیا ہو گا
درِ جنت نہ وا ہو گا، درِ رحمت تو وا ہو گا

جہنم ہو کہ جنت، جو بھی ہو گا فیصلہ ہو گا
یہ کیا کم ہے ہمارا اور اُن کا سامنا ہو گا

ازل ہو یا ابد دونوں اسیر زلفِ حضرت ہیں
جدھر نظریں‌اُٹھاؤ گے، یہی اک سلسلہ ہو گا

یہ نسبت عشق کی بے رنگ لائے رہ نہیں‌ سکتی
جو محبوب خدا ہو گا، وہ محبوبِ خدا ہو گا

اسی امید پر ہم طالبانِ درد جیتے ہیں
خوشا دردے کہ تیرا درد، دردِ لادوا ہو گا

نگاہِ قہر پر بھی جان و دل سب کھوئے بیٹھا ہے
نگاہِ مہرِ عاشق پر اگر ہو گی تو کیا ہو گا

یہ مانا بھیج دے گا ہم کو محشر سے جہنم میں
مگر جو دل پہ گذرے گی، وہ دل ہی جانتا ہو گا

جگرؔ کا ہاتھ ہو گا حشر میں اور دامنِ حضرت
شکایت ہو گا، شکوہ جو بھی ہو گا، برملا ہو گا

جگرؔ مراد آبادی

الزام

ہم پر تمہاری چاہ کا الزام ہی تو ہے
الزام تو نہیں ہے یہ اکرام ہی تو ہے
کرتے ہیں جس پہ طعن کوئی جرم تو نہیں
شوق فضول و الفت ناکام ہی تو ہے
دل مدعی کے حرف ملامت سے شاد ہے
اے جانِ جاں! یہ حرف تیرا نام ہی تو ہے

بے بدل، بے مثال

جن کا نعم البدل کوئی نہیں

آپ انہی میں شمار ہوتے ہیں 

بنام زاہدان خشک

فرشتے حشر میں پوچھیں گے پاکبازوں سے،
گناہ کیوں نہ کئے؟؟ کیا خدا غفور نہ تھا۔۔؟؟

عادت

اس کی عادت ہے میرے بال بگاڑے رکھنا
اس کی کوشش ہے کسی اور کو اچھا نہ لگوں

بینائی

ﻭﮦ ﺟﻮ ﺩﯾﮑﮭﮯ ﮔﺎ ﻟﮩﻮ ﺗﮭﻮﮐﺘﮯ ﻣﻨﻈﺮ ﮨﺮ ﺳﻮ
ﺿﺒﻂ ﮐﯽ ﺣﺪ ﺳﮯ ﻣﺮﯼ ﻃﺮﺡ ﮔﺬﺭ ﺟﺎﺋﮯ ﮔﺎ
ﻣﯿﺮﯼ ﺁﻧﮑﮭﯿﮟ ﮐﺴﯽ ﺍﻧﺪﮬﮯ ﮐﻮ ﻧﮧ ﺩﯾﻨﺎ ﯾﺎﺭﻭ
ﻣﻞ ﮔﺌﯽ ﺍﺱ ﮐﻮ ﺟﻮ ﺑﯿﻨﺎﺋﯽ ﺗﻮ ﻣﺮ ﺟﺎﺋﮯ ﮔﺎ
ﻧﺎﺯ ﺧﯿﺎﻟﻮﯼ

فتور

فتور ہوتا ہے ہر عمر میں جدا جدا
کھلونے، عشق، پیسہ اور پھر خدا خدا

کوئی دابی پور کماد کی

کوئی دابی پور کماد کی ۔

اک منزل پچھلے چاند کی
نت روشن جس کی لو
وہ وقت کو پیچھے چھوڑ گئی
اسے دھنّے واد کہو
دابی ہوئی پور کماد کی
جو پھوٹی مگھر پوہ
کتنوں کو یہی اک چاہ تھی
وہ صرف مخاطب ہو
اے روپ جمال وصال کے
ترا کون سا ہے شبھ ناؤں
وہ جن میں تیرے لوگ تھے
کن گھاٹوں اترے گاؤں
کن صدیوں پر تری چھاؤنی
کن نسلوں پر تری چھاؤں
کہہ کتنی نرم دہائیاں
ترا دیکھتے گذریں روپ
کن پلکوں میں تری چھاؤں تھی
کن چہروں پر تری دھوپ
تری نظر نیازیں بانٹتی
بھکشا میں روپ سروپ
تو کس سرما کی چاندنی
گرما کی شکر دوپہر
تو صبح میں سویا بالکا
تو گاؤں میں پچھلا پہر
ست رنگا خواب فقیر کا
یا بھید بھری دوپہر
اک پوری نیند کی شانتی
تری کجلے والی لہر
اے سنبھلے جسم کی نازنیں
کئی عمریں تجھ پر تنگ
تو شبد قدیم کتاب سے
اظہار سے جس کی جنگ
تو ذات حیات کے ساتھ کی
کیوں نکلی غیر کے سنگ؟
تو سینوں بیچ پدھارتی
کیوں تو نے اوڑھے رنگ
میں شاعر پچھلے جنم کا
تو میری پرانی منگ
اب جیون اوڑھ کے آئی تو
سہہ تنہائی کے ڈھنگ

عبد الحمید عدم

اس کو کہتے ہیں اچانک ہوش میں آنے کا نام
رکھ دیا دانش کدہ، رندوں نے میخانے کا نام

حُور ہے، رعنائیِ نسواں کا اک نقلی لباس
خلد ہے، زاہد کے دانستہ بہک جانے کا نام

آپ پر بھی وار ہو دل کا، تو پوچھیں آپ سے
عشق بیماری کا غلبہ ہے کہ افسانے کا نام

بے رُخی کیا ہے؟ لگاوٹ تیز کرنے کا عمل
دلبری کیا ہے؟ مکمل طوق پہنانے کا نام

زندگی ہے، دوسروں کے حکم پر مرنے کا جشن
موت ہے، اپنی رضامندی سے مر جانے کا نام

آگہی کیا ہے؟ مسلسل خود فریبی کا چلن
روشنی کیا ہے؟ فریبِ مستقل کھانے کا نام

ہیں عدم کے ذکر پر، کیوں آپ اتنے پُر غضب
شمع کے ہمراہ، آ جاتا ہے پروانے کا نام

پسند ہے ؟

بات کرے تو کھل اٹھوں، لمس ملے تو جل اٹھوں
روح الگ پسند ہے، جسم جدا پسند ہے
بِھیڑ بہت ہے دوستا ! ایک ہی جاں ہے میرے پاس
وقف کروں ترے لئے؟ جلدی بتا ؟ پسند ہے ؟؟

علی زریون

بالمشافہ نہیں تحریر سے مل سکتا ہے
مجھ سا کم گو اسی تدبیر سے مل سکتا ہے

Eid (Third Day)

حسرت ہے تمہاری دید کریں 

تم آؤ تو ہم بھی عید کریں 

کچھ دیر تو دل کو چین ملے 

کچھ روز تو من کے پھول کھلیں

کہتے ہیں کے عید کی آمد ہے 

ہم لوگ بھی کچھ تا ئید کریں 

تم سے اک یہ گزارش ہے 

یہ اپنے دل کی خواہش ہے 

اک بار ملو 

اک بار ملو 

ہر بار یہ ہی تاکید کریں 

مانا کے ہم دیوانے ہیں 

سب باتوں سے انجانے ہیں 

جب اپنے بھی بیگانے ہیں

کیا غیروں سے امید کریں 

حسرت ہے تمہاری دید کریں 

تم آؤ تو ہم بھی عید کریں .

Barren Woman

Empty, I echo to the least footfall,
Museum without statues, grand with pillars, porticoes, rotundas.
In my courtyard a fountain leaps and sinks back into itself,
Nun-hearted and blind to the world. Marble lilies
Exhale their pallor like scent.

I imagine myself with a great public,
Mother of a white Nike and several bald-eyed Apollos.
Instead, the dead injure me with attentions, and nothing can happen.
The moon lays a hand on my forehead,
Blank-faced and mum as a nurse.

Sylvia Plath

آنکھ موندے اس گلابی دھوپ میں دیر تک بیٹھے اسے سوچا کریں

دل ,محبت, دین ,دنیا ,شاعری.... ہر دریچے سے تجھے دیکھا کریں

اترا ہوا ہے چاند کا چہرہ بتا گیا
اس کی نظر ہے آپ کے چہرے پہ پڑ گئی

جنوں کم ہے تو مجھ سے شاعری کم ہو رہی ہے
تمہیں پا کر مری دیوانگی کم ہو رہی ہے

مرے اندر کی سیلن بڑھ رہی ہے لمحہ لمحہ
بدن کی دھوپ سے وابستگی کم ہو رہی ہے

خود اپنی سوچ کے بر عکس جینا پڑ رہا ہے
ستم یہ ہے کہ سالی زندگی کم ہو رہی ہے

Azhar Iqbal

She had blue skin,
And so did he.
He kept it hid
And so did she.
They searched for blue
Their whole life through,
Then passed right by-
And never knew

Shel Silverstein

کچھ نہ کچھ سوچتے رہا کیجے
آسماں دیکھتے رہا کیجے
۔
کھڑکیاں بے سبب نہیں ہوتیں
تاکتے جھانکتے رہا کیجے
۔
راستے خواب بھی دکھاتے ہیں
نیند میں جاگتے رہا کیجے
۔
آئینے بے جہت نہیں ہوتے
عکس پہچانتے رہا کیجے
۔
رسا چغتائی

عید

حسرت ہے تمہاری دید کریں
تم آؤ تو ہم عید کریں

Eid Mubarak

اس سے ملنا تو اسے عید مبارک کہنا
یہ بھی کہنا کہ میری عید مبارک کر دے

نظم

تم ثروت کو پڑھتی ھو؟

کتنی اچھی لڑکی ھو

میں جنت سے نکلا تھا

اور تم مجھ سے نکلی ھو

بات نہیں سنتی ھو،کیوں ؟

غزلیں بھی تو سنتی ھو

کیا رشتہ ھے شاموں سے ؟

سورج کی کیا لگتی ھو ؟

لوگ نہیں ڈرتے رب سے

تم لوگوں سے ڈرتی ھو ؟

آدم ؟؟ اور سدھر جائے ؟؟

تم بھی حد ھی کرتی ھو

میں تو جیتا ھوں تم میں

تم کیوں مجھ پر مرتی ھو ؟

مصرعوں میں باتیں کرنا

تم آسان سمجھتی ھو ؟

کیوں انکار کروں اِس کا ؟؟

تم اِس جسم میں رہتی ھو

پیار ھے یہ،"تبلیغ" نہیں

کس چکر میں پڑتی ھو ؟

کس نے جینز کری ممنوع ؟؟

پہنو ! اچھی لگتی ھو .. !

کافی ھو مُلتان کی تم

اور زریون کی مستی ھو !